العافية شعلات فأكبر واحة فتافراوت وخلفات خسائر كبيرة.. والسلطات فتحات تحقيق

شعلات العافية فواحة إيسي أفلا اغير، فدائرة تافراوت بإقليم تيزنيت، وخلفات خسائر فادحة على مستوى محاصيل النخيل فمساحة ديال كيلومتر مربع.
والعافية شعلات بسرعة قياسية فالنخل بسبب الريح اللي كان والحرارة المفرطة، والساكنة كاولو من جهتهم يخدمو الحريق لكن ماتوفقوش، حتى جات الوقاية المدنية اللي استخدمات الطائرة المروحية ونقذات باقي المحاصيل من التلف.
والسلطات المحلية فتحات تحقيق فهذ الحادث اللي اعتبروه الساكنة "كارثة بيئية"، بحكم أن هذ الواحة هي اكبر واحة كاينة فتافراوت، (فتحات تحقيق) باش تعرف تحديدا السبب فاشتعال النيران، اللي خلفات خسائر مادية كبيرة بدون تسجيل أي جالة إصابة أو وفاة.