العافية شعلات فكاراج ديال الكيران فكازا

شعلات العافية، لبارح السبت بالليل، فكاراج ديال الكيران فشارع محمد السادس فكازا، اللي تسبب فخسائر مادية فادحة.
وحسب مصادر “كود”، العافية حرقات مجموعة كبيرة من الكيران ورجعاتهم رماد، كيف شدات حتى فجزء كبير من البناية اللي كيتواجد فيها الكاراج.
وأكدات نفس المصادر بللي البومبية جاو فالوقت المناسب باش يطفيو العافية اللي ماتسببات فحتى شي خسائر فالأرواح.
وحسب البعض، فالعافية كانت ناتجة عن كور سيركوي “تماس كهربائي”، بينما رجح البعض الآخر يكون الشارجور هو اللي تسبب فيها، لكن السلطات مازال ما تأكدو من الأسباب الحقيقية لهذ الحادث، وقرروا يفتحو تحقيق تحت إشراف النيابة العامة.