وزير الداخلية الإسباني: مشكل صغير كان بين بلادنا والمغرب تحل مؤخرا والحدود ديال سبتة ومليلية غادي يتفتحو فالأيام الجاية

قال فيرناندو كَراندي مارلاسكا، وزير الداخلية الصبليوني، اليوم الإثنين، بللي الحدود بين الناظور ومليلية وسبتة وتطوان، قريب غادي تفتح فالأيام الجاية.
وأكد الوزير الإسباني لوسائل الإعلام الصبليونية، فإطار الزيارة اللي دارها لمدينة قرطبة، على أن الخدمة بين المغرب والصبليون كتدار بشكل جاد ومستمر، باش تتفتح المعابر الحدودية البرية من جديد، وقال بلي مشكل صغير بين الدولتين تحل، وأكد على أن المغرب شريك استراتيجي لإسبانيا.
وشدد وزير الداخلية الإسباني، بلي الفريقين المغربي والإسباني لي خدمو على ملف استئناف العلاقات بين البلدين، دارو خدمة كبيرة وأن عودة فتح المعابر البرية ديال سبتة ومليلية حدث مهم خاص تجارلهم عليه تهنئة.
كتجدر الإشارة بللي اليوم كان منتظر تنطالق أول رحلية بحرية للسيارات لي غاتعبر من المغرب الصبليون، من ميناء طنجة لميناء الخزيرات، غير أن مشكل فلبرمجة ديال موعد الإنطلاق خلق مشكل، بعدما تأخرات الباخرة على المسافرين وبقاو فالميناء تزامنا مع موعد الفطور المغرب.