بالفيديو.سلطات المغرب صيفطات ثمنية دالكيران لباب سبتة والصبليون ماتسوقوش

لبارح فالليل صيفطات السلطات المغربية فجهة الشمال، ثمنية ديال الكيران لمعبر طاراخال بين سبتة والفنيدق باش ياخذو المغاربة اللي عالقين فسبتة.
هاد الكيران بقاو واقفين فمعبر طاراخال بلا ما يخرجو ليهم الصبليون أي مغربي عالق فسبتة، وهادشي كيتزاد فوق التعامل السيء اللي دارتو السلطات الاسبانية فمليلية مع المغاربة نهار خرجاتهوم وكدساتهوم بحال الحيوانات كيف بان فالفيديوات.
السلطات الاسبانية فسبتة بررات هاد التجاهل بأنها ماعرفاتش أن المغرب غادي ياخذ وليداتو، وهذا مجرد تخربيق لأن سلطات المغرب كتعلمهوم قبل مادير التحرك باش يوجدو ليها وللمغاربة اللي غاتجيب.