واش انتهت ازمة المغاربة العالقين فسبتة؟. الصبليون كيقولو غدا ايدخلو كلهم

قالت وسائل اعلام صبليونية، أن أزمة المغاربة العالقين فسبتة تقدر تسالي غدا الجمعة، ويخرج ما بين 300 و 400 مغربي عالق فسبتة.
صحيفة ال فارو دي سيوتا نشرات الخبر نقلا على جمعية المقيمين فسبتة لي كيترأسها محمد عبد المالك، وهي الجمعية اللي عندها لائحة العالقين.
وفنفس الوقت نشر موقع "تي في سيوتا"، أن الصبليون لي عالقين فالمغرب، ممكن يفتحو ليهم غدا الجمعة المعابر باش يدخلو لسبتة.
بمعنى أنه يقدر غدا يكون تبادل للعالقين فالجانبين، رغم أن سفارة اسبانيا كانت علنات أن سفينة ديال بالياريا غادي تنطالق غدا الجمعة 22 ماي من ميناء طنجة المتوسط.