لا پيجي سمعات عاود ثاني لمبديع بالسوايع وهو مشى كيطلب فوزير العدل يحل فوجهو الحدود باش يمشي لفرنسا

وسط هذا الاسبوع داز كحل على الوزير السابق محمد مبديع رئيس بلدية الفقيه بنصالح من 1997 حتى اليوم، حيت الفرقة الوطنية للشرطة القضائية بالدار البيضاء عاود جابتو لمقرها الزوين وحققات معه لاكثر من سبعة السوايع على ذاك الشي الملايير لي مشات في الصفقات العمومية ومع مكاتب الدراسات وبينو وبين المقاولين.
مصادر قالت ،ان جلسات الاستماع قربات تسالي قبلما يتحال الملف على النيابة العامة المختصة لي غادي يشوف معه واش يعتقلو ولا يتابعو في حالة سراح.
الفيلم لاخور لي جابتو " كود " من عند مصادر مطلعة ،ان مبديع مشى كيطلب في الوزير عبد اللطيف وهبي باش يتدخل ليه يتحلو ليه الحدود المسدودة في وجهو وقال بلي باغي يمشي لفرنسا يداوا ويرجع .