لمرا اللي دخلات للانعاش بسباب "اوميكرون": ها شحال فعمرها وها فين ناعسة

البارح وزير الصحة خالد ايت الطالب قال ف"الاولى" باللي عندنا اصابة بالمتحور اوميكرون دخلات للانعاش. حسب مصادر "كود" يتعلق الامر بمرا عندها 80 عام. دابا داخلة للانعاش فمستشفى بني ملال تضيف مصادر "كود".
الوضعية الصحية ديالها مازال لحد الان مستقرة.
الوزير كان قال باللي هادي ما دارتش الدوز الثالثة واخا فات وقتها وباللي دارت غير جوج.
كما كشف باللي عندنا دابا رسميا 76 حالة اصابة بهاد المتحور الجديد ديال كورونا وباللي كاينة شي 246 حالة مشبه فيها.
هاد المتحور غادي ويزحف. فدول وصلات نسبتو ل75 بالمائة من الاصابات بكوفيد.