وفا بكلمتو.. الملياردير إيلون ماسك مابقاتش عندو حتى دار فسميتو

إيلون ماسك، الملياردير اللي شبعان فلوس، وفا بالوعد اللي كان كَال العام اللي فات، وغادي يكمل هاد الأيام اللي بقات من 2021 بلاما تكون عندو حتى شي دار فالسمية ديالو.
رئيس شركة "تيسلا" باع القصر ديالو ب30 مليون دولار، اللي حدا سان فرانسيسكو، وهاد الثمن ناقص ب7 دالمليون على الثمن اللي كان كيطلب فيه منذ شهر يونيو اللي فات، حسب القناة الميريكانية "Fox News".
وبالطبع القصر اللي باع دبا ربح منو فلوس حيت كان شراه هادي 4 سنين غير ب23 مليون دولار.
ومول القصر الجديد ماكشفوش على الإسم ديالو.