جمعات أكثر من 3380 مرطب ديال الشفايف.. بنيتة صغيرة دخلات موسوعة كَينيس – فيديو

قدرات درية صغيرة سميتها سكارليت أشلي (Scarlett Ashley Cheng) أنها تدخل لموسوعة كَينيس للأرقام القياسية بعدما جمعات 3388 عكر مرطب ديال الشفايف.
البنت اللي عندها 6 سنين ساكنة في هونكَ كونكَ، وبدات قصتها ملي عطاتها جداتها مرطب ديرو لفمها فوقت البرد.
وقالت سكارليت أن والديها وجداها كانو يوميا كيرطبو ليها فمها قبل ما تنعس، في اللول كانو هاد المرطبات مافيهم حتى مذاق، لكن مع الوقت ولاو بزاف الشكال والنواع وبدات كتشريهم و كتجمع فيهم، وكتعاونها مرة مرة ختها اللي كبر منها كايلين "Kaylyn" (8 سنين) حتى ولات عندها كوليكسيون كبيرة.