بنكيران عاق بقوالب صحاب بنعرفة.. كتب بلاغ جديد على المؤتمر وقيادي ل"كود": حنا فمأزق حقيقي

صحاب بنعرفة وتيار الاستوزار (الأمانة العامة للبي جي دي) باغي يتحكم فالمؤتمر المقبل ديال الحزب ويدير ما بغا ويبعد بنكيران من طريق ديال قيادة الحزب، هادشي عاق بيه بنكيران بكري وعارف بلي مشروع القرار اللي صادق عليه المجلس الوطني للحزب لبارح باش يكون اجل المؤتمر العادي ف عام واحد.
بنكيران كتب بلاغ جديد فالكاعط، وقال بلي إذا صادق المؤتمر الاستثنائي (لي غايكون فنهاية هاد الشهر) على تحديد أجل سنة لعقد المؤتمر الوطني العادي، اعتبر نفسي غير معني بأي ترشيح لي ".
قبل رسالة بنكيران، أعلن عضو ف المجلس الوطني للحزب انه غادي يمشي للمحكمة الإدارية باش يطيح مشروع قرار تحديد أجل المؤتمر العادي.
مصدر قيادي قال ل"كود" :" الحزب فحالة انهيار، وبهاد الصراعات فطريق فيدرالية اليسار، نحن في مأزق حقيقي".