مابقاش ليصانص و المازوط ف بلادو.. معلم ركب على عود باش يمشي للمدرسة

الأوضاع في لبنان غادة وكتكفس خصوصا بعدما تزاد ثمن ليصانص والمازوط بطريقة خيالية وهادشي اللي فرض على معلم يركب على العود ويمشي للمدرسة.
هاد المعلم اللي بقا بلا مازوط باش يحرك الطوموبيل، لقا الحل فأنه يركب على العود باش يمشي يشوف التلامذ قالمدرسة ويجيب وراق الامتحانات اللي خاص يصحح.
تصاور المعلم داعت في الأنترنت و هضرو عليه ف عدد من وسائل الإعلام العربية والعالمية.
وقالو بعض المتتبعين وخا التصاور كانو كيبينو المعاناة و الميزيرية اللي كتعيشها دولة لبنان، فإنها في المقابل متناغمة مع الطبيعة و البيئة اللي غادي ترتاح شويا من تلوث ليصانص و المازوط اللي أصلا غبر من ديك البلاد و نايضة عليه البونية.