ثورة نايضة على القايد ديال فركلة فتنجداد لي بغا يدوز صاحبو رئيس جماعة صحة – فيديو

القايد ديال جماعة فركلة فتنجداد لي لبارح بغا يدوز صاحبو رئيس جماعة صحة، ناضت عليه اليوم ثورة ديال الساكنة لي ماعجبهومش ديكشي لي دار.
القايد لبارح دخل 13 العضو لي ماعندهومش الاغلبية، وسد الباب على 15 عضو لي عندهوم الاغلبية، باش يدوز صاحبو رئيس جماعة، وهادي خلا المرشح للرئاسة لي عندو الاغلبية يدير احتجاج حضاري خارج المجلس، وشكل فيه الاغلبية، ولكن اليوم تقربلات الدنيا فمركز الجماعة حقاش الناس ماعجبهومش هادشي لي دارو القايد، وعتابروه تدخل فشؤون جماعتهم من طرف ممثل وزارة الداخلية.
وحسب مصادر فالامور مرشحة للتصعيد يلا وزارة الداخلية ماتدخلاتش فهاد لفضيحة، ووقفات القايد عند حدو ورجعات الامور لبلاصتها.
https://fb.watch/8gzKLBdCLg/