وهادا خاصو أكثر من العزل.. قايد بغا يعطي الرئاسة لمرشح معاه 13 مستشار وسد الباب على اللي عندو الأغلبية – فيديو

فضيحة سياسية جديدة، كاتجي بعد فضيحة قايد "بني يخلف" فالمحمدية اللي تم توقيفو عن العمل.
هاد الفضيحة الجديدة وقعات فتنجداد، بعدما بغى القايد ديال جماعة فركلة، يحيد الرئاسة لمرشح عندو الأغلبية ويعطيها صحة لواحد خاسر.
مصادر "كَود" قالت أن القايد دخل 13 عضو لمقر التصويت، وسد الباب، وملي جاو 15 المتبقين اللي ماشيين مع المرشح الآخر تمنعوا من الدخول، وناضو دارو تصويت على الرئاسة خارج المقر كيف كيبان فالفيديو أسفله.
ما أقدم عليه القايد المذكور أثار سخط الكثيرين، حقاش كيسيء لمجهودات الدولة في تخليق تسيير الشأن العام، وكيسيء لوزارة الداخلية اللي خاصها تكون طرف محايد وماكتميل حتى لشي جهة من بين المافسين.
https://www.facebook.com/tiinejdad/videos/218610320252762/