فريدوم هاوس: المغرب اتراجع ف حرية الأنترنت

خرجات منظمة "فريدوم هاوس" غير الحكومية اللي كاينة ف الولايات المتحدة الأمريكية، تقرير على حرية الإنترنت حول العالم ف2021.
وكيقسم هاد التقرير الدول ل3 ديال الفئات، وهي حرة، وحرة جزئيا، وغير حرة، وحط المغرب ف خانة الدول الحرة جزئيا.
وكيهتم هاد التقرير بشكل أساسي لانتهاكات حقوق المستخدم وقيود المحتوى، وعقبات الوصول إلى المعلومات ف البلدان.
وبالنسبة للمغرب، فاتراجع بجوج مرتبات ، واحتل المرتبة 36 ف العالم من حيث حرية الإنترنت، ب 53 نقطة من أصل 100.
وجا المغرب ف المرتبة الثانية ف منطقة الشرق الأوسط وشمال إفريقيا، بعد تونس وقبل لبنان (المرتبة 38) وليبيا (المرتبة 43) والأردن (المرتبة 45) والعراق (المرتبة 48).
وعلى الصعيد العالمي ، جات الصين ف المرتبة الأخيرة (70)، ب 10 ديال النقاط، من بعدها فيتنام، وكوبا، وسوريا، وميانمار، وإيران.
واحتلت أيسلندا المركز الأول فهاد الترتيب ب96 نقطة، بعدها إستونيا وكندا وكوستاريكا وتايوان.
https://freedomhouse.org/country/morocco/freedom-net/2021#C