إسرائيل غادي تبدا تلقح الوليدات الصغار من 3 سنين ل11 لعام

دابا إسرائيل ولات كتطلب "الكَرين باس" حتى للناس اللي فعمرهم 3 سنين فما فوق، أو إظهار كشف لفيروس كورونا المستجد سلبي، قبل ما يولجو الأماكن المغلقة، من بعد ما عرفات البلاد ارتفاع حاد فالإصابات.
و"الكَرين باس" كيبين واش الشخص ملقح كليا ضد الفيروس، أو عاد برا منو حديثا، أو عندو تحليلة سلبية حديثة.
الريسطورات والقهاوي والمتاحف والمكتبات وصالات الألعاب الرياضية وحمامات السباحة هي من الأماكن اللي كتتطلب "الكَرين باس" فإسرائيل، لكن مازال الأسواق والمراكز التجارية مافارضاهش.
وعرفات إسرائيل موجة من الإصابات بمتحور "دلتا" الأكثر عدوى، من اللخر ديال يونيو.
والحكومة، كانت سمحات بتلقيح اللي عندهم 12 لعام لفوق، واللي كانو مأهلين ياخدو اللقاح من يونيو، لكن من الأربعاء، غيمكن للفئة بين 3 حتى ل11 لعام تتلقح،
وبدأت كذلك كتعطي الجرعة الثالثة من لقاح فايزر للأشخاص اللي سنهم أكبر من 50 عام، واللي خدامين فالمجال الطب، وكيعانيو من ظروف صحية صعيبة.