هاد يوليوز كان اكثر شهر سخون فتاريخ الارض

كشفات الإدارة الوطنية الأمريكية للمحيطات والغلاف الجوي (NOAA)، أن شهر يوليوز 2021 كان شهر سخون على وجه الأرض، وقالت أن تغير المناخ كان ليه دور فبروز هذ الرقم القياسي الجديد.
وكانت درجة حرارة سطح الكوكب العالمية سخونة بمقدار 0.01 درجة مئوية كثر من الشهر الأكثر حرارة السابق، واللي كان يوليوز 2016.
وقال ريك سبينراد، رئيس الإدارة الوطنية للمحيطات والغلاف الجوي (NOAA)، فبيان ليه، أنه فالعادة كيكون يوليوز هو كثر شهر سخون، لكن يوليوز 2021 كان استثناء، وتجاوز التوقعات، وصبح اكثر شهر سخون على الإطلاق.
وزاد أن هذ الرقم القياسي الجديد كينضاف للمسار "المقلق" اللي وصل ليه تغير المناخ فالعالم.
وكيمكن يكونو معطيات الوكالات المناخية مختلفة فهذشي، بحيث كان اعتبرات وكالة كوبرنيكوس للتغير المناخي التابعة للاتحاد الأوروبي أن يوليوز من هذ العام كان ثالث أكثر شهر سخون على الإطلاق وناشي اللول.