هادي لافيش الرسمية ديال الدورة ال78 من فيستڤال ڤينيسيا السينمائي

كشف فيستڤال ڤينيسيا السينمائي (Mostra internazionale d'arte cinematografica di Venezia) على لافيش ديالو الرسمية للدورة ال78، واللي من المقرر تنظيمها فبداية شتنبر الجاي، وفهاد لافيش كاين توقيع الرسام الإيطالي اللي دارها، لورنزو ماتوتي.
وكايبان ف لافيش جوج ديال الناس كايصورو بعضياتهم.
وهذي المرة الرابعة على التوالي اللي كايكون فيها تعاون بين مهرجان ڤينيسيا السينمائي و الفنان ماتوتي، اللي كايتعتبر من الرسامين البارزين حاليا، وأعمالو ديما حاظرة على غلاف المجلة الميريكانية"The New Yorker"، وهو كذلك مخرج فيلم الرسوم المتحركة "The Bears Famous Invasion of Sicily".
وعلن المهرجان عرض فيلم "بينالي ڤينيسيا: السينما في وقت كورونا – The Venice Biennale Cinema in the time of Covid" للمخرج أندريا سيكَري.
وغايعرض الفيستڤال كذلك الفيلم الجديد ديال المخرج الإسباني بيدرو ألمودوفار "أمهات موازية – Parallel Mothers"، بطولة پينيلوپ كروز، اللي تصور خلال أيام هاد الجايجة.
وغتدار النسخة ال78 من المهرجان ف فينيسيا، من نهار 1 حتى ل11 شتنبر الجاي.