ميركاتو الانتخابات. تصرفيقة للشكر فجهة كلميم. بلفقيه: استقيل من الاتحاد وها علاش =الرسالة

تصرفيقة لادريس لشكر الكاتب الاول لحزب الاتحاد الاشتراكي. استقالة احد قيادات حزبه الجهوية. يتعلق الامر بعبد الوهاب بلفقيه اللي كان جاب لحزب الوردة مقاعد فالبرلمان الحالي بغرفتيه.
الاستقالة اللي عند "كود" نسخة منها٬ تخطات البارح الاربعاء 8 يوليوز 2021. وبرر بلفقيه الاستقالة من "حزب الاتحاد الاشتراكي للقوات الشعبية ومن جميع هياكله محليا واقليميا وجهويا ووطنيا" لاسباب ذاتية وموضوعية.
واوضح ان "القطيعة التامة التي طبعت السنوات الاخيرة بين الكتابة الجهوية والسيد الكاتب العام وغياب التواصل رغم محاولة ارجاع المياه الى مجاريها في الشعهور الاربعة الاخيرة" واها هاكا يضيف بلفيقع "الوضيع بقي على ما هو عليه٬ وهو ما جعل استمراري في اداء رسالتي امرا مستحيلا"
الاستقالة رسل معاها توصيل بنكي فيه واجباتو الحزبية ورسلها للحزب ولوالي جهة كلميم واد نون وعامل كلميم
بلفقيه كان من الداعمين لاحمد رضى الشامي باش يكون كاتب اول للحزب. طبعا هاد الشي خلى لشكر يعتابرو خصم. حتى باش تحركات قضيتو٬ الكاتب الاول خدا مسافة فليام الاولى بحال ايلى عاجبو الحال٬ حتى مؤخرا عاد خرج يدافع عليه ويعتابر المحاكمة "سياسية".
دابا كلشي ناس كلميم كيتسناو فين وجهة بلفقيه المقبلة حقاش غادي يبقى فالسياسة كيف بان فالرسالة. هاد الشي غادي يبان اليوم