حصيلة كورونا: كثر من 133 الف مغربي خدا الجرعة الأولى من الفاكسان اليوم وواحد مات

فالحصيلة اليومية لفيروس كورونا المستجد اللي علنات عليها وزارة الصحة اليوم الجمعة 28 ماي، ففهذ 24 ساعة الأخيرة تقاسو 336، وماتو 1، وفالمجموع 2880 اللي كيتعالجو، وكثر من 133 ألف خداو الجرعة اللولة من الفاكسان.
التلقيح:
اليوم تلقحو 133292، بالجرعة اللولة، ووصل عدد الملقحين بيها ل8434323، بينما 103080 اللي خداو الثانية، ووصلو فالمجموع ل5216171.
الإصابات:
تقاسو اليوم 336 واحد من أصل 10103 واحد دار التحليلة، أغلبيتهم فكازا سطات، بحيث تقاسو فيها بوحدها 196، ووصل عدد المصابين فالمجموع ل518458.
ومؤشر الإصابة التراكمي وصل ل1425,2 لكل 100 ألف نسمة، بمعدل 0,9 لكل 100 ألف نسمة فهذ 24 ساعة.
حالات الشفاء:
تشافاو اليوم 235، ووصل الإجمالي ل506443، بنسبة تعافي ديال 97,7 فالمية.
الوفيات:
واليوم مات 1 فسلا، ووصل هكذا عدد الوفيات ل9135، بنسبة إماتة ديال 1,8 فالمية.
الحالات النشيطة والحرجة:
عدد الحالات النشيطة طلع ل2880 وعدد الحالات الحرجة طلع كذلك ل200 حالة، و30 تدهورات حالتهم غير اليوم، و6 تحت التنفس الاختراقي، أما نسبة ملء أسرة الإنعاش بلغات ل6,3 فالمية.