حصيلة كورونا: 8 مليون مغربي خدا الجرعة الأولى من الفاكسان

فالحصيلة اليومية لفيروس كورونا المستجد اللي علنات عليها وزارة الصحة اليوم الثلاثاء 25 ماي، ففهذ 24 ساعة الأخيرة تقاسو 310، ومات 3، وفالمجموع 2626 اللي كيتعالجو، وكثر من 170 ألف خداو الجرعة اللولة من الفاكسان.
التلقيح:
اليوم تلقحو 178394، بالجرعة اللولة، ووصل عدد الملقحين بيها ل8011014، بينما 72151 اللي خداو الثانية، ووصلو فالمجموع ل4947483.
الإصابات:
تقاسو اليوم 310 واحد من أصل 8847 واحد دار التحليلة، أغلبيتهم فكازا سطات، بحيث تقاسو فيها بوحدها 225، ووصل عدد المصابين فالمجموع ل517423.
ومؤشر الإصابة التراكمي وصل ل1422,4 لكل 100 ألف نسمة، بمعدل 0,8 لكل 100 ألف نسمة فهذ 24 ساعة.
حالات الشفاء:
تشافاو اليوم 276، ووصل الإجمالي ل505668، بنسبة تعافي ديال 97,7 فالمية.
الوفيات:
اليوم ماتو 3، 1 فسلا و1 فمراكش و1 فتيزنيت، ووصل هكذا عدد الوفيات ل9129، بنسبة إماتة ديال 1,8 فالمية.
الحالات النشيطة والحرجة:
عدد الحالات النشيطة طلع ل2626 وعدد الحالات الحرجة طلع كذلك ل173 حالة، و30 تدهورات حالتهم غير اليوم، و5 تحت التنفس الاختراقي، أما نسبة ملء أسرة الإنعاش بلغات ل5,5 فالمية.