غريب. قيادي ف أمانة "البي جي دي" ل"كود": واخا القاسم الانتخابي غانجيو اللولين الا الى دخلات السلطة

قال عضو فالأمانة العامة لحزب العدالة والتنمية ل"كود"، إن حزبه سيتصدر الانتخابات التشريعية لسنة 2021، بناءا على المعطيات المتوفرة.
وأوضح ذات القيادي، الذي رفض ذكر اسمه، في اتصال مع "كود"، أنه من الناحية الحسابية، ف92 دائرة اللي كاينة غاديين نجيو اللولين. غاديين نحسمو مقاعد بسهولة. هاد الشي بالاضافة الى مقاعد فاللوائح الجهوية.
وأكد المصدر الحزبي ل"كود"، بغض النظر عن بعض التكهنات والتوقعات والدراسات البحثية المحترمة (في اشارة الى الارقام التي قدمها مصطفى اليحياوي الخبير في الجغرافيا السياسية، والذي توقع بفوز الاحرار كما اكد فحوار معه)، فإن الحزب سيتصدر الانتحابات وقادر على كسبها.
وتابع القيادي فتصريحو ل"كود" :"المنافسة ستكون بين البي جي دي والاحرار او البام".
حاجة وحدة غريبة قالها هاد المسؤول فتصريحو ل"كود". قال باللي حزبو غادي يجي اللول وباللي الحالة الوحيدة اللي ممكن البي جي دي ما يربحش الانتخابات٬ هي تدخل السلطة فالانتخابات" ثم استطرد" وهادا امر نستبعده".
باش تستبعدو علاش كتقولو. ثم شكون غادي ينضم الانتخابات من غير حكومة بنعرفة الامين العام لحزبكم. وعلاش هاد التهديد. اما نكونو اللولين او راها مزورة. هاد الشي تناقض وتخربيق وتهديد