الباحث عمر بروكسي ل"كود": مشروع قانون 22.20 اشارة امل بولادة دينامية جديدة واعلان وفاة اكيليني للاتحاد وللبي جي دي اللي غادي يتدفن فالانتخابات الجاية

الطريقة للي عارض بيها مواطنون مغاربة مشروع القانون 22.20 اشارة على امل كبير بالنسبة لمستقبل بلدنا يشرح الباحث الكاتب عمر بروكسي. الباحث اوضح في تصريح ل"كود" ان الدرس الكبير اللي يمنح لينا نخرجو بيه من هاد الشي هو الموت الاكلينيكي لجوج احزاب كبيرة: الاتحاد الاشتراكي والعدالة والتنمية بجوجهم جسدو وفق لبروكسي٬ الامل فدينامية ديموقراطية واجتماعية
الباحث اكد ل"كود" ان حزب كيعلن انو حامل مشعل بنبركة وعمر بنجلون وتيبنى مشروع بحال هادا٬ راه طعنة فالظهر لكل واحد امن بقيم هاد الحزب.
بخصوص العدالة والتنمية٬ اكد عمر بروكسي ل"كود" ان المفاجأة ماشي كبيرة بزاف. واضاف الباحث ل"كود" "الاسلاميين ما عمرو كان عندهم لا مشروع سياسي لا برنامج اقتصادي.
وذكر بروكسي بان البي جي دي اللي كيسيرو سعد الدين العثماني٬ رئيس الحكومة الاضعف فتاريخ المغرب٬ حتى هو فمرحلة الموت الاكلينيكي. وتوقع الباحث فتصريحو ل"كود" باللي الدفن غادي يكون فالانتخابات الجاية.
الامل وفق الباحث فدينامية ديموقراطية واجتماعية وباللي هي اللي غادية تربح. وشدد على ان المواطن المغربي كائن سياسي٬ سواء من خلال وسائل التواصل الاجتماعي او من خلال بعض المواقع الاخبارية. هاد الدينامية كذلك غادي يهز مشعلها المجتمع المدني الصادق وبعض احزاب السيار بحال فيدرالية اليسار الموحد٬ يختم الباحث تصريحو ل"كود".