اسبانيا.. 7000 أورو لكل واحد شرا طوموبيل كتخدم بالضو

كشفات وزيرة التحول البيئي الإسبانية، تيريسا ريبيرا، على خطة (MOVES III) لدعم شراء السيارات الكهربائية، كتشمل مساعدة تقدر توصل حتى ل7000 أورو للناس اللي ماقدروش يشريوها إلى ماعندهمش الفلوس الكافية، بالإضافة لدعم تركيب نقاط شارج السيارات الكهربائية.
وهذا قانون جديد مازال كيخص يوافق عليه مجلس الوزراء السبليوني، وماغيتفعل حتى تدوز 3 شهور، لكن إلى تمرر كيمكن للناس يطلبو الدعم ابتداء من اليوم.
وغيمكن للناس يحصلة على هذ 7000 اورو إلى ولاو يستعملو الطوموبيل الكهرباىية ووقفو استعمال الطوموبيلات العادية اللي عمرها كثر من 7 سنين.
والميزانية العامة لهذ المشروع هي 400 مليون أورو قابلة للزيادة ل800 مليون، وغتبقا سارية المفعول حتى ل2023.
وكيهدف مجلس الوزراء فعام 2023 تكون على الاقل 250 الف طوموبيلة دالضو فالشوارع الاسبانية، مع وضع 100000 نقطة الشارجومون.