زهرة بوسلهام مرات الدليمي ماتت ودات معاه اسرار كثيرة. زوجو بيها اوفقير وتهلى فيها الحسن الثاني بعد ما تقتل راجلها

علمت "كود" ان زهرة بوسلهام ارملة الجينرال الدليمي ماتت هاد الصباح فالرباط. ارملة هاد الشخصية العسكرية الشهيرة اللي ماتت فظروف لحد الان مازال ما معروفاش رسميا ف25 يناير 1983 بقات على علاقة وطيدة بالقصر. فالحسن الثاني من اللولين اللي عزاها فمقتل راجلها. ما كانش فراسها لخبار حتى سمعات بالكسيدة اللي وقعات فالدخلة دمراكش فنشرة الاخبار
كانت مريضة من الثمانينات وما بقاتش من بعد كتحرك.
هاد الزوجة كان ختارها للدليمي الجينرال اوفقير. هي بنت واحد من مساعديه.
باش مات راجلها بديك الطريقة ما عمرها خرجات ولا دارت شي حوار او شي تصريح. بقات ساكتة حتى دات معاها اسرار كثيرة ماشي غير على رحيلو ولكن على مرحلة من تاريخ المغرب المعاصر