أبو بكر زعيتر الرياضي في "فنون القتال المختلطة Arts martiaux mixtes (MMA)" ماعندوش علاش يحشم. هاد أبو بكر اللي كلا سلخة ديال لعصا مؤخرا على يد منافسه الكندي مارك أندري باريو، خلال المواجهة التي احتضنتها مدينة لاس فيكَاس الأمريكية، ناض كينشر تصاور ليه وهو كيصلي فشي صال د السپور.. زعما شوفوني! ونشر تدوينة على صفحته الرسمية بموقع التواصل الاجتماعي "فايسبوك"، وقال فيها: "الحمد لله على كل شيء"، في إشارة واضحة منه للهزيمة التي تلقاها قبل أيام على يد الكندي باريو اللي شبع فيه عصا. أبو بكر معروف عليه متعجرف وفيه بزاف ديال لعياقة، عوض مايخرج يقول أنه خسر حقاش ماكانش موجد و متريني كيف لازم.. وهو فاشل ناض كيصور راسو كيصلي باش يجمع شويا تعاطف ديال بعض المتتبعين.. راه كولشي عايق بيك وغير ساكتين ومامسوقينش ليك، وراه البطل العالمي لخصم كلاشاك مزيان بعدما سبتيه و سبيتي ليه الوالدة ديالو. زعير وختو ربما معارفينش بأن الرياضة هي أخلاق ماشي سبان أو شي حاجة. مصطفى لخصم البطل المغربي السابق، في رياضة "الكيك بوكسينكَ"، رد عليه بطريقة زوينة وبمستوى كبير ماشي بحالو. اللي كيصلي مكيقولش للناس هاني كنصلي.. داكشي شغلو وحاجة كتخصو غير هو.. لاش زعما هاد الموضة ديال صوروني راني مؤمن و ماتيقوش داكشي اللي كيقولو عليا.. باش تكون مؤمن أو لا شغلك هذاك! ومصطفى لخصم اللي سبيتيه وسبيتي ليه مو، خاصك تقلب عليه مزيان و حاول تفرج فيه وشوف كيفاش كان كيلعب و كيحتارم الرياضة اللي كيمارس.. و كيفاش هز ببلادو هادي سنوات مني كانت الرياضة رياضة ماشي دبا فاش تخلطات حقاش بحالك هوما اللي كيخرجو عليها وماكيعطيوش مثال مزيان على السپورتيف خصوصا اللي كيكَول على راسو پروفيسيونال. https://m.facebook.com/story.php?story_fbid=295702105253952&id=100044424936542
