دارتها "كورونا". لليوم 3 على التوالي وفسابقة ما وقعاتش من الحرب العالمية: هولنديون منوضينها ضد الاغلاق وشعلو العافية حتى فمركز دالڤاكسان

كورونا فيروس مشعلة هولندا. البارح ولليلة الثالثة على التوالي خرجات احتجاجات عنيفة فمدن هاد الدولة الاوربية. احتجاجات الشباب بالاخص ضد كاع اجراءات الاغلاق اللي تاخداتها الحكومة. هاد الحكومة كانت قررات فرض حظر التجول باش توقف انتشار "كورونا"
وقد اعتقل البوليس لحد الان اكثر من 250 مواطن ودارو قنابل مسيلة للدموع باش يخيو الشوارع. فيما خربو هاد المحتجين اللي لقاوه قدامهم. ضربو البوليس بالحجر وحرقو فشمال لبلاد مركز للتلقيح ضد كورونا
هاد التحدي غير المسبوق كيتزاد ليلة بعد ليلة. رئيس رئيس الوزراء الهولندي، مارك روت وصف هاد الشي ب"عنف إجرامي". واضاف "هذا أمر ما غادينش نقبلوه. كاع اللي عندو شي عقل فهاد لبلاد كيبان ليه هاد الشي فظيع". هادو اللي كيخرجو ما كيحتجوش. راهم كيديرو العنف الاجرامي وغاديين نتعاملو معاهم على هاد الاساس".