عبير العابد: الفنانين والموسيقيين ماشي كاملين عندهم الفلوس.. وحنا صابرين حتى نشوفو فين غتوصل القضية مع هاد الجايحة – تدوينة

مكتفوتش المغنية عبير العابد الفرصة باش تفكر المتتبعين والناس لي كيعرفوها بالمعاناة ديالها وديال الفنانين، بعدما كورونا وقفات جميع الأنشطة الفنية، ولقات راسها لا حنين لا رحيم.
عبير كتبات بوسط على حسابها في انستكَرام، قالت فيه أنها مازال صابرة وصامدة حتى تشوف هاد الحالة لي واصلين ليها فين غادي تسالي، وأكدات: "لكل شخص عندو مناش يعطي و كيعاون الناس، و الله يسمح للناس لي كتظن السوء بأغلب الفنانين والموسيقيين وكيقولو بلي عندهم الفلوس، حيت ماشي كلشي عندو وغير بنادم كيبغي يتقاد ويضحك قبل ما يتصور هادشي ما كيعنيش بلي عندو و لاباس عليه".
وفي نفس التدوينة وجهات عبير تحية لكل واحد عندو مسؤوليات وباقي كيتقاتل مع الحالة لي حنا فيها، وقالت: "لا تعويضات مادية، لا جمعيات كتساعد لا حتى حاجة، تحية لكل شخص عندو مناش يعطي و كيعاون الناس".
وتفاعلو بزاف ديال الناس مع كلام المغنية لي تشهرات بمشاركتها في مسابقة على المستوى العربي، والبعض قال أن الأزمة غادي دوز.
https://www.instagram.com/p/CJHGSRhn0b2/