التحاليل مازالين قلال.. حصيلة اليوم: 2646 مغربي تصاب بكورونا وغير 14862 تحليلة اللي تدارت

اليوم تسجلات 2646 إصابة بكورونا، ووصلنا فالمجموع ل420648، ووصل مؤشر الإصابة التراكمي ل1158,3 لكل 100 ألف نسمة، بمعدل 7,3 لكل 100 ألف نسمة فهذ 24 ساعة.
وبحال العادة هذ الايام، اليوم كانو التحاليل قلال، بحيث تدارت غير 14862 تحليلة، منها خرجات 12216 تحليلة سلبية.
وحسب نشرة كوفيد 19 اليومية، ماتو اليوم 30، وبلغ الإجمالي 7030، بنسبة فتك ديال 1,7 فالمية.
وتشافاو اليوم 2791، ووصل الإجمالي ل382925، بنسبة تعافي طلعات ل91 فالمية.
ووصل عدد الحالات النشيطة ل30693 حالة، وعدد الحالات الحرجة تحددو ف1039 حالة.
ومن الحالات الحرجة، 187 تدهورات حالتهم غير هذ النهار، و81 تحت التنفس الاصطناعي الاختراقي.
وكتتوزع الإصابات والوفيات الجديدة على الجهات والأقاليم كما يلي:
وهذا المنحنى الوبائي اليومي: