علمت "كود" من مصدر مطلع أن الخبر المالي المزلزل لي هضرو عليه وكالات أنباء دولية واللي جا فيه بالللي المغرب خدا قرض كبير بزاف بقيمة 3 مليار دولار فالسوق الدولية، زعزع كبار الاقتصاديين فالمغرب. الخبيرة لي جابت "كود" هي أن عدد من المسؤولين فالحكومة وفالبرلمان مفراسهمش هاد الكريدي لي هو أكبر قرض فتاريخ المغرب. مصادر "كود" قالت بلي كاين تفسيرات كثيرة لهاد القرض منها تكلفة عملية التلقيح لي غادي تكون مجانية بأوامر ملكية، وكاين تفسير آخر هو تعزيز القدرات العسكرية ديال المغرب خصوصا مع التهديدات الأمنية المستمرة في الصحراء واللي كتروجها البوليساريو. الغريب في الأمر وفق مصدر "كود" هو أن الاقتراض جا بطريقة مفاجئة، خصوصا وأن "والي بنك المغرب ولا وزير المالية بنشعبون مخبروش حتى حد بهاد الخبر ومذكروش بلي كاين توقع". الجواهري ديما كيتشكا وكينبه من خطر الاقتراض الخارجي باش منطيحوش فالتقويم الهيكلي. دبا هاد الكريدي جا فسياق حملية التلقيح المجانية وفسياق التغيير المغرب مريح من ناحية العملة الصعبة التي تغطي أكثر من 3 أشهر ديال الاستيراد. دبا خاص وزير المالية ولا الجواهري يخرجو يوضحو للرأي العام وللفاعلين الاقتصاديين هاد الكريدي كيفاش دارو ليه. مصدر فوزارة المالية استغرب كيفاش تخدا هاد الكريدي وقال ل"كود": :"باش تاخد كريدي بحال هاد الحجم كيحتاج التحضير ليه لمدة ومطلوب فيه الشفافية"، واصفا هاد الخبر المالية ب"المفاجأة".
