وزير المالية بنشعبون ل"كود": هاكيفاش غاندعمو لارام.. وقيمة الكريدي مزال محددنهاش

كشف محمد بنشعبون، وزير الاقتصاد والمالية واصلاح الإدارة، في تصريح خص به "كود" عن الطريقة التي ستدعم بها الدولة، شركة الخطوط الجوية الملكية "لارام".
وقال بنعشبون ل"كود" : كاينا جوج وسائل، الأولى هي نرفعو رأسمال الشركة باش تحافظ على مناصب الشغل، والثانية هي الدولة غادي ضمن الكريدي للشركة. خصوصا وأن الحاجة مزيانة لي جات فمشروع قانون المالية هو ان الديون المضمونة من طرف الدولة ماغاديش تفوت 3.5 بالمائة كسعر فائدة وهادي خبار الخير بالنسبة للشركات العمومية والشركات الصغرى جدا.
وأكد بنشعبون ل"كود" أنه لا يتوفر على رقم دقيق بخصوص شحال ديال الكريدي وشحال ديال رأس المال لي غايترفع، لأن الخسائر مازال مستمرة، وبأن تحديد الخسائر هي لي تعطينا شحال القيمة ديال الكريدي المضمون من الدولة.
مسؤولي لارام كيقولو بلي العودة الطبيعية لشركة الخطوط الملكية المغربية كتحتاج مدة لا تقل عن 36 شهراً، يعني ثلاث سنوات.
المدير العام للشركة، كان طلبفي رسالة سابقة دعم الدولة ضروري لإنقاذ الشركة واستئناف النشاط التجاري.
الدولة استجبت "لارام" باش تحافظ على مناصب الشغل قدر الإمكان، مع ضمان الاستدامة المالية للشركة فهاد الظروف الصعيبة.