الباحث اگنوش: بوريطة دخّل راسو في توريطة بعيدة عليه والبيان كان لازم يديرو المجلس الاعلى للعلماء والإفتاء ماشي بوريطة!!

أجي آ الشريف، أشنو دّاك تدير بلاغ رسمي وتدين فيه استمرار نشر الصور القديمة ديال شارلي هيبدو "التي تسيء للرسول" في مدن فرنسا تحت ذريعة انها تمس بشعور مليار مسلم ونصف؟!
واش نتا كاتمثل هاذ المليار ونصف ديال المسلمين؟! ثم نتا وزير الخارجية، يعني كاتدير الديبلوماسية، يعني كاتعمل جهدك باش تقرّب دولتك من الدول الصديقة والشقيقة، ماشي باش تبعّد بيناتها!!
ثم ملي زغبك الله گاع وقوّدتيها، واكتب في نفس البلاغ ان المغرب يدين ذبح استاذ التاريخ على يد ارهابي شيشاني وانك كاتدين الارهاب "تحت اي ذريعة كانت" باش تدير شوية التوازن في كلامك!!!
ومن كولشي هاذ الشي، كايبان ليا غا قوّدتيها...هاذ الموضوع ماشي شغلك گاع واخا يكون الماليك هو للي گالها ليك...كان عليك تقنع سيدنا ان هاذ البلاغ من الاحسن يديرو المجلس الاعلى للعلماء والافتاء وتخرّج بلادك والدولة من الشبهات!!
وعلى كل، غسلت عليكم اليدين إلى المرفقين نتا وجميع المستشارين، آمين ويغفر الله لي ولكم ولجميع العالمين!!!