مابقيناش نزلو على 3000.. اليوم تصاب 3387 مغربي ومغربية بكورونا و41 ماتو و2497 تشافاو.. الطوطال: 160333 إصابة و2726 وفاة و133959 متعافي.. و23648 كيتعالجو منهم 525 حالتهم خطيرة

الإصابات الجديدة بكورونا مازال مرتفعة بشكل كبير، بحيث تسجلات اليوم 3387 حالة، وهكذا وصل الإجمالي ل160333، بمعدل إصابة ديال 441,5 لكل 100 ألف نسمة، و9,3 لكل 100 ألف نسمة فهذ 24 ساعة.
وحسب نشرة كوفيد19 اليومية اللي علنات عليها وزارة الصحة، اليوم الأربعاء، ماتو هذ النهار 41 شخص، وبلغ الإجمالي 2726، بنسبة فتك ديال 1,7 فالمية.
وبراو اليوم 2497 واحد، ووصل المجموع ل133959، بنسبة تعافي ديال 83,6 فالمية.
بالنسبة للحالات النشطة فوصل عددها ل23648، منها 525 حالة خطيرة او حرجة.
و62 من الحالات الخطيرة تسجل غير فهذ 24 ساعة، و58 منها تحت التنفس الاصطناعي الاختراقي، ونسبة ملئ أسرة الإنعاش بلغات 26 فالمية.
واليوم تستبعدات 21061 حالة، ووصل مجموع الحالات السلبية 2786126.
وكتتوزع الإصابات والوفيات الجديدة على الجهات والأقاليم كما يلي:
وهذا المنحى الوبائي اليومي دتطور الإصابات: