اللي بغا يخرج أو يدخل لخنيفرة ومريرت خاصو رخصة التنقل.. والقهاوي غيوليو يسدو من ال10 والسويقات مع 5

ابتداء من الأحد 6 شتنبر، الخروج والدخول من مدينتي مريرت وخنيفرة غيولي ممنوع، وخاص ضروري من رخصة التنقل الاستثنائي مسلمة من طرف السلطات المحلية المختصة، ووسائل النقل العمومي والطةبيسات والكيران بين المدن بجوج والأقاليم المجاورة ليهم غادي تحبس.
والفئة اللي مكيعنيهاش قرار منع التنقل هي فئة قطاع نقل البضائع والمواد الأساسية و الخدمات، وفئة التنقلات ذات الطابع المهني أو تلك التي تبررها ضرورة المصلحة، والتنقلات الخاصة بالحالات الإنسانية، ووالتنقلات المرتبطة بالدخول الجامعي والمدرسي.
وهذ القرار اللي صدر اليوم جا بسباب ارتفاع الإصابات بفيروس كورونا المستجد بوثيرة مقلقة فالإقليم، وغادي تصاحبو مجموعة من الإجراءات، من بينها إغلاق السويقات مع ال5، والقهاوي والريسطورات والجرادي العمومية مع ال10، ومنع بث الماتشات، كيف غيتسد فخطرة سوق "أحطاب" فخنيفرة، ويولي السوق الأسبوعي فمريرت كيقتصر على الخضرة والديسير وماتبقاش تتباع فيه الكسيبة.