الوضعية الوبائية لفيروس كورونا فهاد 24 ساعة: 238 تصابو و93 تشافاو و4 ماتو.. الطوطال: 12290 منهم 8833 صافي تعافاو و225 توفاو و3232 كيتعالجو و18 حالتهم حرجة

علنات وزارة الصحة على تسجيل 238 إصابة بفيروس كورونا المستجد فهاد 24 ساعة الأخيرة، وهكذا وصل عدد المصابين فالمجموع ل12290.
وقالت مسؤولة فوزارة الصحة، فالندوة اليومية للترصد الوبائي لفيروس كورونا المستجد، أن هذ الإصابات كتتوزع جهويا على الشكل التالي: طنجة تطوان 73، العيون الساقية الحمرا 66، فاس مكناس 39، مراكش آسفي 22، الرباط سلا 19، كازا سطات 14، الجهة الشرقية 3، ثم بني ملال خنيفرة وجهة سوس ماسة حالة واحدة لكل منهما.
وتسجلات 93 حالة شفاء اليوم، ووصل المجموع ل8833، بنسبة تعافي د71,9 فالمية.
وتسجلو 4 وفيات جديدة، ووصل الطوطال ل225 وفاة، أي بنسبة إماتة د1,8 فالمية.
وارتفع عدد المصابين اللي مازال كيتلقاو العلاج ل3232، 18 منهم فحالة حرجة.
وتم اكتشاف 89 فالمية من مجموع الإصابات الجديدة ديال اليوم، عبر تتبع المخالطين، وصل العدد ديالهم فالمجموع ل66798، مازال منهم 10901 تحت المراقبة.
ووصل مجموع الحالات المستبعدة ل650524 بعد ما خرجات تحاليلهم سلبية.
وهذا التوزيع الجغرافي للإصابات بالنسبة المئوية: