الوضعية الوبائية لفيروس كورونا فهد 24 ساعة: 295 تصابو و156 تشافاو وواحد مات.. الطوطال: 11633 و8656 متعافي و218 متوفي

علنات وزارة الصحة على تسجيل 295 إصابة بفيروس كورونا المستجد فهذ 24 ساعة الأخيرة، وهكذا وصل عدد المصابين فالمجموع ل11633.
وقالت مسؤولة فوزارة الصحة، فالندوة اليومية للترصد الوبائي لفيروس كورونا المستجد، أن جهة طنجة تطوان الحسيمة هي اللي سجلات أكبر عدد ديال الحالات (165)، بعدها جهة الدار البيضاء سطات ب69 حالة، ثم جهة مراكش آسفي ب25، وفاس مكناس ب16 حالة، وجهة العيون الساقية الحمرا ب8 حالات، والرباط سلا القنيطرة ب7، ثم جهة بني ملال خنيفرة سجلات 4 حالات، بينما الجهات الأخرى ماسجلات حتى حالة.
وتسجلات 156 حالة شفاء اليوم، ووصل المجموع ل8656، بنسبة تعافي د74,4 فالمية.
وتسجلات وفاة وحدة، ووصل العدد فالمجموع ل218 وفاة، أي بنسبة إماتة د1,9 فالمية.
وارتفع عدد المصابين اللي مازال كيتلقاو العلاج ل2759، منهم 20 حالة فالإنعاش.
بالنسبة للمخالطين، وصل العدد ديالهم ل63508، مازال منهم 8166 تحت المراقبة.
ووصل مجموع الحالات المستبعدة ل608802 بعد ما خرجات تحاليلهم سلبية.
وهذا التوزيع الجغرافي للإصابات بالنسبة المئوية: