الوضعية الوبائية لفيروس كورونا فهاد 24 ساعة: 195 تصابو و82 تشافو وحتى واحد ما مات.. الطوطال: 10172 و8366 متعافي و214 متوفي و1592 كيتعالجو و5596 مخالط تحت المراقبة

علنات وزارة الصحة على تسجيل 195 إصابة بفيروس كورونا المستجد فهاد 24 ساعة الأخيرة، وهكذا وصل عدد المصابين فالمجموع ل10172.
وقالت مسؤولة فوزارة الصحة، فالندوة اليومية للترصد الوبائي لفيروس كورونا المستجد، أن جهة الرباط سلا القنيطرة هي اللي سجلات أكبر عدد ديال الحالات (104)، أغلبها كيتعلق ببؤرة تجميد الفواكه الحمراء فمنطقة لالة ميمونة فإقليم القنيطرة.
بالنسبة للجهات الأخرى، سجلات طنجة تطوان 52 حالة، جهة مراكش آسفي 21 حالة، فاس مكناس 12 حالة، 4 حالات فبني ملال، وحالة وحدة فكل من كازا سطات وجهة العيون الساقية الحمرا.
وتسجلات 82 حالة شفاء اليوم، ووصل المجموع ل8366، بنسبة تعافي د82,2 فالمية.
وما تسجلات حتى حالة وفاة جديدة، وهكذا استقر الطوطال ف214، بنسبة إماتة د2,1 فالمية.
وارتفع عدد المصابين اللي مازال كيتلقاو العلاج ل1592.
وبالنسبة للمخالطين، الوزارة تبعات من نهار بان الوباء 55104 حالة، منها 5596 باقية قيد التتبع.
ووصل مجموع الحالات المستبعدة ل546523 بعد ما خرجات تحاليلهم سلبية.
وهذا التوزيع الجغرافي للإصابات بالنسبة المئوية: