النسبة هبطات ل2,6 فالمية.. المغرب كيسجل أقل نسبة دالوفيات بكورونا مقارنة مع دول المغرب الكبير

نسبة الوفاة بفيروس كورونا المستجد فالمغرب كتبقى الأكثر انخفاضا بالمقارنة مع دول المغرب الكبير، وهذا مؤشر إيجابي، بحيث نسبة الوفيات فالمغرب انخفضات اليوم ل2,6 فالمية، بينما بلغات 4 فالمية فليبيا، 4,5 فالمية فتونس، 4,8 فموريتانيا، و7,09 فالجزائر.
بالنسبة لنسبة الشفاء من الفيروس، فتونس كاتجي فالمركز الأول ب87,4 فالمية، تابعها المغرب فالمركز الثاني ب65,51 فالمية، ثم الجزائر ب56,54 فالمية، 53,33 فالمية فليبيا، و5,59.
بالنسبة لأعداد الإصابات، وحسب آخر الإحصاءات اللي علنات عليها وزارة الصحة فهذ البلدان، فالجزائر هي اللي سجلات أكثر عدد (8697)، تابعها المغرب ب7584، ثم تونس ب1051، وموريتانيا ب268، ثم اخيرا ليبيا ب75 مصاب