تونس تجاوزات أزمة كورونا.. 0 إصابة جديدة اليوم و700 حالة شفاء فالمجموع

تونس بدات كتجاوز أزمة فيروس كورونا المستجد، اليوم ماتسجلات عندها حتى إصابة جديدة بالفيروس، وبلغ عدد اللي تشافاو عندها فالمجموع 700، باش ينخفض عدد اللي كيتلقاو فيها العلاج ل278، من ضمنهم 11 كيتلقاو العلاج فالسبيطارات.
وأكدات وزارة الصحة التونسية، بللي تسجلات 10 تحليلات إيجابية غير عند ناس مصابين أصلا بكورونا وتحسنات الحالة ديالهم، وهذا كيعني أنهم مازال خاصهم شوية دالوقت باش يتشافاة فخطرة.
وبقا عدد المصابين بالفيروس الإجمالي مستقر ف1032 حالة، وعدد الوفيات استقر ف45، بحكم ماتسجلات حتى حالة وفاة جديدة.