الطاليان مسيطرة على الوضع.. سجلات 3031 حالة شفاء فأقل من 24 ساعة ونسبة الوفيات والإصابات نخافضو بشكل كبير

سجلات الطاليان، اليوم الخميس، ارتفاع ملحوظ فحالات الشفاء من مرض "كوفيد-19" اللي كيتسبب فيه فيروس كورونا المستجد، بحيت تشافاو اليوم تماثل 3031 مصاب، وهذشي فظرف أقل من 24 ساعة، وفالطوطال وصل عدد اللي تشافاو ل96 ألف و276 واحد.
فبلاغ للوقاية المدية دالطاليان، قالت بللي اليوم تسجلات غير 274 حالة وفاة جديدة بالفيروس، باش يوصل عدد الضحايا فالطوطال ل29 ألف و958 حالة وفاة، واكبر نسبة فيها كاينة فلومبارديا فمنطقة ميلانو اللي تضررات من الفيروس، واللي سجلات غير بوحدها 14 ألف و745 وفاة، بينما وصل عدد الناس اللي تشافاو فيها ل33 ألف و329 شخص.
ونقصو أعداد الناس اللي كيتلقاو العلاج فالإنعاش اليوم ب22 واحد، باش يولي عدد الناس اللي فحالة حرجة ل1311 واحد.
وبالنسبة للمصابين، غحتى هوما انخفضات النسبة ديالهم اليوم، حيت تسجلات 1401 حالة فقط، وإجمالي الإصابات وصل فالطاليان ل215 ألف و858 إصابة، محسوبين معاهوم اللي ماتو واللي تشافاو.
وجرات الطاليان، مللي بان فيها هذ المرض، تحديدا مليون و563 ألف و557 تحليلة مخبرية للكشف على فيروس كورونا.