هما قالو: كنجرو على 7 الاف ووزير الشغل ل"كود": كاين طلبات كثيرة للتمديد لعاملات لفريز فالصبليون

كشف وزير الشغل والإدماج المهني، محمد أمكراز، أن العقود ديال العاملات الموسيمات المغربيات اللّي خدامين فحقول لفريز بالأراضي الإسبانية غادي تسالي في شهر يونيو المقبل، مؤكدا أن شهر يونيو هو الوقت الذي تبدأ فيه عادة عمليات العودة سنويا.
وأضح المسؤول الحكومي، في تصريح ل"كود"، أنه لحدود الساعة ليس هناك أي مستجد يخص عودة هاد العاملات الموسميات قبل نهاية عقودهن، مشيرا بالقول: "درنا الاتصالات اللازمة واتضح انه ليس هناك أي إشكال وان العاملات المغربيات يؤدين عملهن وسيستمرن في ذلك إلى حين انتهاء عقودهن".
وقال أمكراز ل"كود" باللي كاين "طلبات عديدة لتمديد العقود لم تحسم بعد في انتظار استجماع المعطيات الخاصة بها، مشيرا إلى أن جمعيات المنتجين التي تشتغل في هذا المجال عديدة ومكايناش غير جمعية وحدا.
وكانت جمعية أساجا اللي تتجمع المزارعين فحقول الفريز و الفواكه الحمراء، قد أكدت أن الموسم الفلاحي ما بقا ليه والو ويسالي وخاص السلطات ديال البلدين توجد لعملية ترحيل العاملات بصفة إستعجالية، وعطات أنه على أبعد تقدير الموسم الفلاحي غادي يسالي فبداية يونيو أو قبل كاع إيلا استمرت موجة الحرارة اللي تتعرفها المنطقة.
دبا يلا بقات الحدود مسدودة بين المغرب والصبليون حتى للشهر الجاي . كيفاش غادي يتم التعامل مع هاد المغاربيات اللي مساكن كيقلبو على لقمة العيش ويرجعو لبلادهوم. خاص جواب منطقي ديال الحكومة على هادشي.