كيفاش دايرة نفسية ومعنويات البوليس فالحجر الصحي؟ سبيك ل"كود": ها الشرف ديالهوم فهاد الوقت والمؤسسة الأمنية مكتنساش عائلتها وولادها وتعترف بالجميل

أوضح بوبكر سبيك، الناطق الرسمي باسم المديرية العامة للأمن الوطني ومراقبة التراب الوطني، أن نفسية والمعنويات ديال البوليس خلال هاد الفترة ديال الحجر الصحي مزيانة، موضحا ل"كود" بالقول: "يكفينا شرفا أننا كنخدمو المغاربة، ويلا خدمناهوم ورضاو علينا هذا هو أكبر محفز لينا".
وقال سبيك ل"كود"، أنه كاين خدمات مادية واجتماعية متكاملة دارتها المديرية العامة للأمن الوطني، معتبرا أن أكبر حافز ودعم عند البوليس مثلا هو مني كيشوف المدير العام للأمن الوطني كينزل معاه للشارع العام ويجي عندو لكازا او الرباط ولابس الكمامة وبالزي النظامي وكيشوف كيفاش خدام".
وماشي غير هادشي. البوليس كيف قال سبيك ل"كود" أنه كيكون حافز مني كيسمع بأنه تم تكليف مؤسسة محمد السادس للأعمال الاجتماعية لموظفي الامن باش تصرف مساعدات مالية لأكثر من 3000 ديال ارامل الشرطة، مضيفا بالقول: "هادشي يؤكد أن المؤسسة الأمنية مكتنساش عائلاتها وولادها".
وأضاف سبيك: "المؤسسة الأمنية تعترف بالجميل لأيتام وموظفي الشرطة حقاش والديهوم اقضاو النحب ديالهوم في خدمة قضايا الوطن، وكاين مجموعة من الخدمات التي تقدم لموظفي الشرطة ومنها المنح المالية".