اللجنة اللي كلف الحموشي تحقق ف تسريب صور “مثلي مراكش” بدات خدمتها- صور

علمت “كود” أن اللجنة المركزية اللي كلفها المدير العام للأمن الوطني، عبد اللطيف حموشي، باش تحقق ف الظروف ديال تسريب صور ومعلومات خاصة على مثلي مراكش لي شوهوه ليلة رأس السنة، بدات الخدمة ديالها هاد صباح ديال الخميس. يعني جات بالزربة لعاصمة النخيل تنفيذا لتعليمات المدير العام.
ووفق ما كشفت عنه مصادر “كود”، فإن هاد اللجنة بدات تسمع لشهادات الناس وشي جمعيات لي كانو حاضرين على هاد الواقعة، علاوة على الاستماع إلى عدد من موظفي البوليس سواء لي كانو حاضرين لحظة توقيف مثلي مراكش أو الرؤساء ديالهوم المباشرين. التحقيق كيشرفو عليه مسؤولين مركزيين من المفتشية العامة ديال الأمن الوطني.
دبا التحقيق ديال اللجنة بدا هاد الصباح وكيف غادي تسالي خدمتها بطبيعة الحال غادي تقدم تقرير مفصل على داك الشوهة ديال تصوير والشهير وعدم تقديم الحماية ليه من قبل البوليس بالاضافة الى تسريب وثائق تعريفه الشخصية وصور له من داخل ادارة ما.