هدى سعد غبرات.. من نهار دخل رمضان مابقات شاركات حتى شي حاجة مع متتبعيها

اختارت الفنانة هدى سعد أنها ترجع اللور في شهر رمضان، وتبعد على مواقع التواصل الاجتماعي.
هدى سعد من نهار دخل رمضان ما حطات حتى بوسط على حسابها في انستگرام لي موالفة كتبارطاجي فيه بعض تفاصيل يومياتها وفيديوهاتها مع ولدها.
هدى سعد لي متبعها كثر من 5 مليون واحد عبر حسابها، اكتفت بتهنئة نشرتها في بداية الشهر كتبارك فيها للمتتبعين ديالها رمضان.
هدى كانت متفرغة للمشروع لي دارت قريب لمنطقة مولاي إبراهيم في مراكش ولي عبارة عن قرية سياحية كبيرة وقاعة للأفراح، قبل ماتجي جايحة كورونا وتوقف كولشي مؤقتا.