فعز أزمة كورونا.. تجار القيساريات فكازا طالبو السلطات باش يخليوهم يحلو

راسلات 6 جمعيات تجارية السلطات بزاف دالمرات، كتطالب باش يخليوهم تجار الملابس الجاهزة يحلو فهذ رمضان ابتداء من غدا الأربعاء 6 ماي، واخا كاين الحجر الصحي وأزمة فيروس كورونا المستجد.
المراسلة، اللي توجهو بيها لكل من عامل عمالة الفداء مرس السلطان، ورئيس المنطقة الأمنية الفداء، وقائد الملحقة الإدارية 17، أكدو فيها بللي بغاو يحلو حيت قرارات لجنة اليقظة ماتطرقاتش لمشاكل التجار، وماعندهمش كيفاش ياخدو منحة صندوق ىلضمان الاجتماعي حيت ماكيتوفروش على قرار إداري واضح بالإغلاق، بالإضافة لكثرة الالتزامات الشهرية بحال الضو والما والكرا اللي ثقلات الكهل ديالهم.
ومن جملة التدابير الصحية اللي غيتاخدوها التجار إلى سمحو ليهم يحلو: منع السفر بين المدن وفرض رخصة الخروج الاستثنائية، والتنسيق مع السلطات باش يوعيو الناس ويحققو مبدأ التباعد فالمحلات والقيساريات ويلتزم العمال بالكمامات ويحترمو التوقيت وتتعقم الدنيا.