إدارة حبس طنجة: هذي حقيقة وفاة سجين بكورونا

كشفات إدارة السجن المحلي طنجة 1 بللي السجين (م.ز) اللي توفى لبارح، ماكانس سبابو فيروس كورونا المستجد كيف ما تداولات مواقع إخبارية، لكن مرض السكار.
ووضحات إدارة السجن، فبلاغ ليها حصلات عليه "كود"، بللي السجين ماجاتوش أعراض فيروس كورونا أصلا، لكن بانت عليه أعراض مرضية مفاجئة خرى، ومنين مشا لمستعجلات مستشفى محمد الخامس لقاو بللي نسبة الكَلوكوز والأسيتون مرتفعة عندو فتحليلة البول اللي دار.
وأكدات المؤسسة بللي السجين المذكور كان فصحة جيدة، وماتقاسم الغرفة مع حتى شي حد من المحابسية لخرين.