من بعد بؤرة سجن ورزازات.. اللجنة الدولية للصليب الأحمر عطات لمديرية السجون معدات للنظافة والتعقيم باش ماينتشرش كورونا فالحباسات

منحات اللجنة الدولية للصليب الأحمر مديرية السجون وإعادة الإدماج هبة على شكل مجموعة من معدات للنظافة وتجهيزات للحماية لفائدة موظفي المندوبية ونزلاء المؤسسات السجنية، باش تديك كل ما فجهدها باش ما ينتشرش فيروس كورونا المستجد فالحباسات.
وحسب بلاغ مشترك للمؤسستين، قالت رئيسة بعثة اللجنة الدولية للصليب الأحمر بالرباط، رانيا مشلب بللي هذ المؤسسة كتعبر على الانشغال ديالها بشأن صحة الأشخاص مسلوبي الحرية فجميع أنحاء العالم، وكتطلب من كَاع المؤسسات السجنية باش تطبق قواعد النظافة باش تحافظ على صحة المحابسية.
وللإشارة، علنات مديرية السجون، لبارح الإثنين، على تسجيل 66 شخص فالحبس ديال ورزازات (60 موظف و6 سجناء عاملين بالكلف) بفيروس كورونا المستجد؛ وبناء على هذشي قررات المديرية تخضع كَاع المحابسية لاختبار الفيروس باش يحددو بشكل دقيق عدد الإصابات اللي كاينة فالحبس.