ولات تدخل وتخرج فالهضرة.. نبيلة منيب عرفات راسها غير كتخربق ورجعات فكلامها: “فيروس كورونا ماعندوش الدوا ردو بالكم”- فيديو

من بعد ما دخل فيروس “كورونا” المستجد للمغرب، وتصابو بيه 49 وماتو بيه جوج، نبيلة منيب، الأمينة العامة للحزب الاشتراكي الموحد، رجعات فالهضرة اللي كانت كتقول بين عشية وضحاها، وخصوصا من بعد ما ضحكو عليها الناس.
منيب كانت كتقول بللي الفيروس تصنع فالمختبرات، بللي دارتو دولة عظمى باش تحارب بيها دول أخرى، منيب، الأستاذة الجامعية فالبيولوجيا، كانت متأكدة بللي فيروس “كورونا” عندو الدوا، وبللي الدولة العظمى، اللي ماسماتهاش، كاتسنى الوقت المناسب باش تكرحو للبيع وتنعش اقتصادها العلاجي، دبا ولا تقول هضرة اخرى مختلفة تماما على هذشي.
البارح، ففيديو ليها، تسيركولا مزيال ف”فيسبوك”، نبيلة منيب كتعترف بللي الفيروس ماعندو حتى شي دوى، وبللي خطير وفالتاك ويقدر يقضي على اعداد كبيرة من البشر، لذلك خاص الإنسان يحضي راسو منو، ويتبع كَاع الإجراءات الوقائية المعمول بها.
اكتشفات منيب أخيرا أنها غير كتخربق، وبللي نظرية المؤامرة اللي كتآمن بيها أشد الإيمان ماشي صحيحة، وبللي الإنسان حسن ليه قبل ما يهضر يكون كيهضر على الصح، وعندو حجج علمية يطعم بيها نظريتو، ماشي غير آجي يا فم وقول وخلع الناس فهذ الوضعية الحرجة اللي كايدوز منها العالم كلو.