رسميا. اليوم لكمايم غاديين يتباعو غير فالفارماصيانات والاستثناء هما هاد لبلايص والانتاج وصل ل8 مليون فالنهار

علمت "كود" باللي البارح تقرر رسميا يكون بيع لكمايم غير فالفارماصيانات. يعني البيع مائة فالمائة. وفق مصدر "كود" فان الانتاج اليومي اللي وصل ل8 مليون كمامة غادي يتوزع على 12 الف فارماصيان فالمغرب.
حسب مصدر "كود" فان البقالة غاديين يبقاو يبيعو لكمايم فالبلايص اللي ما فيهاش الفارماصيانات. لعروبيات ولا البلايص لبعاد بزاف.
المغرب دابا باش نتج حاجياتو غادي يبدا يصدر. راه 17 شركة خدامة فهاد الشي. فرصة مزيانة للبلاد فهاد الوقت.
ماشي بالكمامات غاديين نوليو دولة صناعية ولكن هاد الشي مزيان للمورال ديال الشعب. لمورال لمغاربة باللي ربحو تحديات كتبان بسيطة ولكن صعيبة بزاف. اوربا حاصلة فهاد الشرويطة دابا. طبعا اللي خاص يتبدل بزاف. ولكن هادي بدية