تقرير وزارة الصحة على كورونا فشهر مارس: 32 ديال موظفي قطاع الصحة تقاسو بالفيروس و176 توضعو فالحجر الصحي

علنات وزارة الصحة، بللي 32 من الأطر الطبية والصحية والموظفين فقطاع الصحة تصابو بفيروس كورونا المستجد فشهر مارس.
وكشفات الوزارة، فتقرير إحصائي مرحلي ليها حول الوضعية الوبائية مللي بان الفيروس ف2 مارس اللي فات حتى ل31 من نفس الشهر، باللي الأمر كيتعلق بجوج تقاصو فالفضاء المهني فاش كانو كايعالجو مصابين بكورونا، و18 تقاصو من بعد ما تلاقاو بحالة مصابة بالفيروس، و12 تقاصو من بعد ما سافرو لبلاد انتشر فيها الفيروس.
وكيقول التقرير، اللي صدراتو الوزارة اليوم الجمعة، بللي 241 من الموظفين فقطاع الصحة كانو تلاقاو بهش الموظفين اللي تقاسو بالفيروس، و120 منهم كايخدمو فسبيطارات كالمرضيتعالجو فيها المصابين بهذ المرض، و176 واحد فيهم تحددو باعتبار أنهم حالات مشتبه فيها، وتوضعو فالحجر الصحي.