كارثة.. الطاليان حطمو الروكور عدد الوفياة ب”كورونا” وفاتو الشينوا

اليوم الخميس الطاليان حطمات الروكور فعدد الوفيات ب”كورونا” عالميا، حيت وصل عدد الوفيات فيها ل3 آلاف و405 وفاة، من بعد ما سجلات 427 حاصة إضافية ديال الوفاة، وهذا أكبر عدد ديال الوفاة فاليوم الواحد.
وبالنسبة لعدد الإصابات اللي سجلاتها الطليان اليوم، فكانت 5 آلاف و322 إصابة، وبيها وصل عدد الإصابات ب”كورونا” فالطاليان ل41 ألف حالة.
الطاليان فاتت الشينوا اللي كانت فالسابق البؤرة الاولى دالفيروس فعدد موتى الفيروس، واللي وصلات حالات الوفاة فيها ل3242 حالة منذ تفشي للمرض فاللخر ديال دجنبر 2019.
الطاليان دابا ولات هي اللولة عالميا فعدد قتلى “كورونا”، تابعاها الشينوا، ومن موراهم إيران بألف و284، ثم الصبليون ب767.